بانگەوازی بەپەلە بۆ کردەوە: چاودێری مافی مرۆڤی کوردستانی ئێران هۆشداری دەدات لە پەرەسەندنی ململانێ و مەترسییە قورسەکان بۆ سەر گەنجانی کورد
چاودێری مافی مرۆڤی کوردستانی ئێران بە دەربڕینی نیگەرانی قووڵ لە پێشهاتەکانی ئەم دواییە و زیادبوونی گرژییەکانی نێوان کۆماری ئیسلامی ئێران و ڕژێمی ئیسرائیل، بە توندی ئیدانەی هەڵسوکەوتی میلیشیا کوردی و گروپە دابڕێنراوەکان دەکات کە بنکیان لە هەرێمی کوردستانی عێراقە لە دۆخێکدا کە وڵات بەر دەستدرێژی ئیسرائیل کەوتووە و پێشتر سەدان هاوڵاتی مەدەنی گیانیان لەدەستداوە. ئەم گرووپانە کە پێشینەی چالاکیی چەکداری و دژە ئێرانیان هەیە، بەیاننامەیان بڵاو کردەوە و هاوسۆزی خۆیان لەگەڵ ڕژیمی ئیسرائیل ڕاگەیاندووە؛ کردارێک کە هاودەنگی هاوشێوەی لە ماوەی شەڕی هەشت ساڵەی ئێران و عێراقدا بیردەخاتەوە.
بە پێی ئەو زانیارییە باوەڕپێکراوانەی دەست ئەم ڕێکخراوەی مافی مرۆڤ کەوتوون و ئەو هەواڵانەی کە زۆرجار لە لایەن میدیا ئێرانییەکانەوە بڵاودەکرێنەوە، کۆماری ئیسلامی ئێران بە نیازە بارەگاکانی ئەو گرووپانە لە خاکی هەرێمی کوردستانی ئێراق لە دوو بەرەدا- هێرشی مووشەکی و ئۆپەراسیۆنی زەمینی بکاتە ئامانج. ڕێکخراوی چاودێری مافی مرۆڤی کوردستانی ئێران هۆشداری دەدات لە مەترسییە جددییەکانی ئەو ئۆپەراسیۆنانە بۆ خەڵکی سڤیل، بەتایبەتی گەنجان و هەرزەکاران کە لەلایەن ئەو گرووپانەوە دامەزراون. ئەم گەنجانە، زۆرجار لە ڕێگەی فێڵی ئابووری، بەڵێنی کار یان کۆچ، ڕاکێشراون بۆ ناو پێکهاتە سەربازییەکانی ئەو گروپانە و ئێستا ژیانیان لە ژێر هەڕەشەی ڕاستەوخۆدایە.
بەم پێیە، چاودێری مافی مرۆڤی کوردستانی ئێران، لە هۆشدارییەکی بەپەلەدا، داوا لە حکوومەتی هەرێمی کوردستانی عێراق دەکات کە؛
- دەستبەجێ هەنگاو بنێن بۆ داماڵینی چەک لە گروپە میلیشیا کوردییەکان و بە فەرمی ئەنجامی ئەم چالاکییە بە حکوومەتی کۆماری ئیسلامی ئێران ڕابگەیەنن.
- گواستنەوەی ئەو گەنج و هەرزەکارانەی کە ئەندامی ئەو گروپانەن بۆ کەمپە سەلامەتەکان لەژێر چاودێری حکومەتی هەرێم و بە زووترین کات ڕادەستی کەسوکارەکانیان بکەن.
پێدەچێت ئەم دوو ڕێوشوێنە ئەگەر جێبەجێ بکرێن، بتوانن پێش بە ئۆپراسیۆنێکی سەربازیی بەرفراوانی ئێران بگرن و ژیانی دەیان هەرزەکاری کورد ڕزگار بکەن.
ڕێکخراوی چاودێری مافی مرۆڤی کوردستانی ئێران بە فەرمی نیگەرانیی خۆی بۆ وەزارەتی دەرەوەی کۆماری ئیسلامی ئێران دەربڕی و داوای دانوستانی جددی لە نێوان ئێران و حکومەتی هەرێمی کوردستان بۆ بەڕێوەبردنی ئەم دۆخە کرد.
هەروەها داوا لە کەسوکاری ئەندامانی ئەو گروپانە دەکەین پەیوەندی بە منداڵەکانیانەوە بکەن و هانیان بدەین دەستبەجێ بارەگای گروپەکان بەجێبهێڵن و بگەڕێنەوە سەر ماڵەکانیان.
بە ڕێزەوە
چاودێری مافی مرۆڤی کوردستان ئێران
