چاودێر کە ئەرکی سەرەکی بەدواداچوونی چارەنووسی منداڵانی ئێرانیە کە لە لایەن گرووپە تێرۆریستیەکانەوە دەرفێندرێن، ساڵی رابردوو بۆ بەدواداچوونی چارەنووسی ئارەش دانشوەر دیمانەیەکی لەگەڵ باوکی ئەنجام دا. باوکی وتی: ” ئارەش، بۆ یاری کردن لەگەڵ منداڵان رۆشتبووە پشت گوند و چیتر نەگەڕایەوە، دوای رۆشتنی کۆڕەکەی ژیانی لێ تاریک بوو و هاوژینەکەی هەر ڕۆژ چاوی لەدەرگای ماڵە […]

بە پێی راپۆرتی چاودێری مافی مرۆڤی کوردستانی ئێران لەزاری فورات – دەزگای میدیایی پەکەکە/پەژاک – جارێکی دیکە گەنجێکی ئێرانی لە پێکدادان لەگەڵ تورکیا کوژرا، بەڵام گرووپ دوای ۵ ساڵ هەواڵی کوژرانی راگەیاند. ئەمە لەکاتێکدایە کە ئەمە بۆ خۆی بەواتای ون کردنی زۆرەملێ و شەڕی دەروونییە لەدژی ماڵباتەکان. چونکە لەم حاڵەتەدا، ماڵبات ئاگای لە چارەنووسی منداڵەکەی نییە و نازانێت کە وا مردووە یا زیندووە؟ لەم حاڵەتەدا، ماڵبات نازانێت بۆ بەدواداچوونی چارەنووسی منداڵەکەی سەردانی کۆێ بکات.

لەکاتێکدا کە هەر ڕۆژ هەواڵێکی نوێ لە شەڕی پەکەکە و تورکیا بڵاو دەبێتەوە و تورکیا بە بیانووی پەکەکە، کۆبانێ و گوندەکانی دەورووبەری بوردمان دەکات و چەندین ناوچەی لە هەرێمی کوردستان داگیر کردووە، پکەکە بۆ قەرەبووی کەمی هێزی مرۆیی هێزە ئێرانییەکان بەرەو مردن دەنێرێت. لەکاتێکدا کە هێشتا دیار نییە کە بۆ ئێرانییەکان دەبێت لە شەڕی پەکەکە و تورکیادا بکوژرێن؟