ناوی چاوپێکەوتکراو لەم ڕاپۆرتەدا بۆ پاراستنی گیانی ناوبراو بە “هێرا” ئاماژەی پێکراوە. هەروەها ناوی شاری شوێنی نیشتەجێبوونی گۆڕدراوە و “مەریوان” ناوێکی خوازراوە بۆ شوێنی ژیانی. ئەم ڕاپۆرتە لەسەر بنەمای چاوپێکەوتنێکی دەنگی و دیمەنی لەگەڵ هێرا لە ماڵەکەی خۆی لە یەکێک لە گەڕەکەکانی شاری شوێنی نیشتەجێبوونی ئامادەکراوە.
هێرا لەم گوفتوگۆیەدا، ئەزموونی خۆی لە چۆنیەتی ئاشنابوون و پەیوەندی لەگەڵ ئەندامانی پارتی ئازادی کوردستان (پاک)، چوونهدەرەوەی لە ئێران لە تەمەنی پانزە ساڵیدا، گواستنەوەی بۆ بنکەکانی ئەم گرووپە لە هەرێمی کردستانی عێراق، ژیان لە پێکهاتەی سەربازی تەشکیلاتەکەدا، هەڕەشە، ئەشکەنجە، زیندانی تاکەکەسی، هەوڵە بەردەوامەکان بۆ هەڵاتن، بێنینی مەرگ و خۆکوژی هەندێک لە ئەندامان و لە کۆتاییدا هەڵاتنی خۆی بە وردەکارییەوە شی دەکاتەوە.
هێرا دەڵێت لە ١٨ی ڕێبەندانی ساڵی ۱۳۸۳ی هەتاوی (٧ی شوباتی ۲۰۰٥) لەدایکبووە و لە ساڵی ۱۳۹۹ (۲۰۲۰)، کاتێک تەمەنی نزیکەی پانزە ساڵ و چەند مانگێک بوو، لەگەڵ گرووپی پارتی ئازادی کوردستان ئاشنا بوو.
بە وتەی ئەو، دەستپێکی ئەم پەیوەندییە بۆ فەزای مەجازی و تۆڕی کۆمەڵایەتی ئینستاگرام دەگەڕێتەوە. ئەو لە کاتی گەڕان لە ئینستاگرامدا پۆستێکی یەکێک لە ئەندامانی ئەم گرووپەی بینی. لەو پۆستەدا، کچێک دەبینرا کە چاوپێکەوتنی لەگەڵ دەکرا و چەکێکی بەدەستەوە بوو.
هێرا دەڵێت دیدەنی ئەو دیمەنە بۆی سەرنجڕاکێش و پڕ لە جۆش و خرۆش بوو و لەگەڵ خۆیدا بیری دەکردەوە لەو وڵات و ژینگەیەی کە تێیدا دەژێت، وێنەیەکی وەها لە کچێکی چەکدار و سەربازی بوونی نییە. ئەو لەسەر کزە و ئارەزوو، لایکی ئەو پۆستەی کرد.
بە وتەی هێرا، ڕاستەوخۆ دوای ئەو لایکە، لە ڕێگەی دایرێکتی ئینستاگرامەوە پەیوەندی پێوەکرا و گوفتوگۆ دەستی پێکرد. ئەندامانی گرووپەکە لێیان پرسی ئایا حەزی لێیانە و بۆچی پۆستەکەی لایک کردووە. هێرا دەڵێت لە وەڵامدا، بێ شاراوەیی باسی لە ئارەزووەکانی کرد و ڕوونی کردەوە کە وەرزشوانە و حەزێکی زۆری بە چەک و بابەتی سەربازی هەیە.
ئەو دەڵێت لە سەرەتای پەیوەندییەکەدا، گوفتوگۆکان ئاسایی و دۆستانە بوون. ئەندامانی گرووپەکە پێیان دەوت: «ئێمە ئەسڵەن مەبەستمان نییە تۆ بهێنینە ئێرە؛ ئێمە زۆر ئاسایی و وەک هاوڕێیەک قسەت لەگەڵ دەکەین.» بە وتەی هێرا، ئەویش ئەم ڕوونکردنەوەیەی قبووڵ کرد و گوفتوگۆکان بەردەوام بوون. ئەوان دەربارەی ئارەزووەکانی دەیانپرسی و ئەویش باسی لە وەرزش و حەزی بۆ چەک دەکرد. ئەندامانی گرووپەکەش بەردەوام هانیان دەدا و دەیانوت: «زۆر بەرزە، ئافەرین!»
ئەو دەڵێت نزیکەی مانگێک لەگەڵ کوڕێک کە ئەندامی گرووپەکە بوو بەم شێوەیە لە پەیوەندیدا بوو، بەڵام دوای نزیکەی مانگێک، تۆنی قسەکردنی ئەم کەسە گۆڕا و پەیوەندییەکە لە گوفتوگۆی ئاساییەوە بۆ هەڕەشە و زۆرەملێ ڕۆیشت.
ئەو کەسە پێی وتبوو: «دەبێت هەڵسیت و بێیت ببیتە ئەندامی گرووپ؛ ئەگەر نێیت زۆر بە خراپی بۆت تەواو دەبێت! من کەسێکم کە پێشتر لە ئێران دەستگیر کرابووم و دواتر هاتمە گرووپەکەوە و ئێستاش دووبارە بۆ ئەنجامدانی ئەرک گەڕاومەتەوە ناو ئێران و دژی دەوڵەتی ئێران چالاکی و سیخوڕی دەکەم. ئەگەر مەئمورانی ئەمنی بزانن تۆ قسەت لەگەڵ من کردووە، زۆر بە خراپی بۆت تەواو دەبێت، کەواتە هەوڵبده کە خۆت پەیوەندی بە گرووپەکەوە بەکەیت.»
هێرا دەڵێت لەو کاتەدا تەنها پانزە ساڵ و چەند مانگێک تەمەنی بوو. هەروەها لە خێزانێکی نەریتی و مەزهەبیدا دەژیا و سنووردارکردنی زۆر لە ماڵەوە بۆی هەبوو. ئەندامانی گرووپەکەش بەردەوام پێیان دەوت کە لە بنکەکانی ئەم گرووپەدا “ئازادی ڕەها” هەیە و دەتوانێت هەر کارێک حەزی لێبێت ئەنجامی بدات.
دوای جددیبوونی هەڕەشەکان و بەهۆی بارودۆخی خێزانی و ئەو وێنەیەی لە ئازادی لە مێشکیدا دروستکرابوو، دژایەتییەکی جددی لەگەڵ ڕۆیشتن نەبوو. لە کۆتاییدا بڕیاری دا و لەگەڵ ئەندامانی گرووپەکە ڕێککەوت. هێزەکانی سەر بە گرووپەکە هاتن بە دوایدا و تا شاری سەقز گواستیانەوە. بەڵام ئەو مۆبایلەی لە ماڵەوە بەکاری دەهێنا هی خۆی نەبوو و بە هاوبەشی لەگەڵ براکەی بەکاریان دەهێنا. خێزانەکەی پەیامەکانیان پشکنیم و تێگەیشتن کە ماڵەوەی بەجێهێشتووە.
پۆلیس لە سەقز دۆزییانەوە و ڕادەستی خێزانەکەیان کردەوە. هێرا دەڵێت لە کۆمەڵدا دوو جار لە ماڵەوە هەڵات. دوای گەڕانەوەی بۆ ماڵەوە، خێزانەکەی بەرنامەکانی ئینستاگرام و تێلەگرامیان لە مۆبایلەکە سڕییەوە. بەڵام بەهۆی بەکارهێنانی بەرنامەی “شاد” بۆ خوێندن، هێشتا دەستی بە مۆبایل دەگەیشت.
ئەندامانی گرووپەکە ئەمجارەیان لە ڕێگەی فەیسبووکەوە پەیوەندییان پێوە کردەوە و هەڕەشەکان جددیتر بوونەوە: «ئەگەر پۆلیس بە بابەتەکە بزانێت، بێ دواکەوتن یەکێک لە ئەندامانی خێزانەکەت دەکوژین.» بۆ سەلماندنی زانیارییەکان، ئادرەسی وردی ماڵی باوکی، نەخشەی گەڕەک و وێنەیەکی شاراوەی ژووری نوستنەکەیان بۆ نارد.
بەیانی ڕۆژی دوایی، لە کاتێکدا دەرگای حەوشەی ماڵەوە قفڵ کرابوو، لە سەر دەرگاکە سەرکەوت و خۆی گەیاندە کۆڵان. کەسێکی سەر بە گرووپەکە لەوێ بوو کە خۆی وابوو خەریکی وێنەکێشانە لەسەر دیوار. دوای بینینی، هێرا چوو بۆ لای و بە ئۆتۆمبێلێکی پێژۆی زیوی بەرەو شوێنێکی نادیار ڕۆیشتن.
دوای چەند کاتژمێرێک، گواستیانەوە بۆ گوندێکی سنووری لە ناوچەیەکی شاخاویدا و بە بەکارهێنانی پەت لە تاوێرەکان هاتنە خوارەوە و لە سنوور پەڕینەوە تا گەیشتنە ناوچەیەک بە ناوی “جەهە (لاهـ)”. لەوێ ئۆتۆمبێلێکی تۆیۆتا هات بە دوایدا و جلی سەربازی گەورەیان پێدا.
بۆ تێپەڕین لە بازگەکان، کارتێکی ناسنامەی ساختەیان بۆ دروستکردبوو بە ناوی “شیرین” و ساڵی لەدایکبوونیان کردبووە ساڵی ۲۰۰۰ی زایینی؛ بەم شێوەیە تەمەنی لە بەڵگەنامەکاندا کرابووە بیست ساڵ بۆ شاردمەوەی ئەوەی کە ئەندامبوونی کەسانی ژێر هەژدە ساڵ قەدەغەیە.
بنکەی سەرەکی لە ناوچەیەکی بەربڵاو لە نزیک شاری کۆیەی دەستنیشان کرابوو کە لەلایەن دەسەڵاتدارانی هەرێمەوە درابوو بە پاک. لە بەشی وەرگرتندا (پەزیرش) کە تایبەت بوو بە ژنان، ناوی ڕێکخراوەیی “تیزباڵ”ی بۆ هەڵبژێردرا و جەختکرایەوە کە کەس نابێت ناوی ڕاستەقینەی ڕابگەیەنێت.
لەم نێوەندەدا، کچێک بە ناوی “شیلان” ئاگاداری کردەوە لە ڕاستییەکانی ئەو شوێنە. شیلان پێی ڕاگەیاند کە کوڕان بەهۆی وەرگرتنی پلەی سەربازی و پارە جەخت لەسەر ڕاکێشانی کچان دەکەنەوە. هەروەها ئاشکرای کرد کە حوکومەتی هەرێم/بارزانییەکان بۆ هر پێشمەرگەیەک کە بێتە ناو پاک، مانگانە شەش و پێنج ملیۆن دینار دەداتە گرووپەکە و بە تایبەت حسێن یەزدانپەنا.
هێرا تێگەیشت کە هێزە ڕاکێشراوەکان لە ئێرانەوە، بەتایبەت مێرمنداڵان، وەک سپەری مرۆیی بەکاردەهێندرێن. هەروەها تێگەیشت کە ژنان لە سەرەتاییترین مافەکان بێبەشن، مۆبایل لای کچان قەدەغەیە و ڕووبەڕووی داواکاری هاوسەرگیری زۆرەملێ بووەتەوە.
